Cila është mosha ideale për të pasur fëmijën e parë?

Në Francë mosha mesatare në të cilën gratë lindin fëmijën e tyre të parë vazhdon të rritet gradualisht, edhe pse rritja ka tendencë të ngadalësohet. Në vitin 2010 mosha mesatare ishte 28.1 vjet për gratë franceze (kundër 24.2 në vitin 1967). Ndryshimi në kohëzgjatjen e studimeve dhe në tregun e punës kanë ndikuar në këtë shifër, por jo vetëm: duket se francezët kanë vendosur të shijojnë më shumë jetën e tyre si të rritur para se të kenë fëmijë.

Për këta të rritur që duan me çdo kusht të fillojnë një familje pa nxituar megjithatë gjërat, hulumtuesit e Universitetit Shëndetësor të Roterdamit ofrojnë një studim interesant. Duke u bazuar në sjelljen e shumë çifteve, si dhe në shifrat e fertilitetit sipas moshës, ata u japin grave moshën ideale për të pasur në fëmijë të parë në bazë të numrit të fëmijëve që ato dëshirojnë të kenë. Pse femrave? Sepse fertiliteti i tyre fillon të zbresë që nga mosha 30-vjeçare dhe më shumë dhe më shpejt pas moshës 35, thekson New Scientist. Burrat nuk e kanë këtë problem, ata mund të bëjnë fëmijë në çdo moshë, meqë fertiliteti i tyre zvogëlohet në mënyrë të konsiderueshme vetëm pas moshës 50-vjeçare.

Në përmbledhje, një grua që dëshiron të ketë tre fëmijë ka 90% shanse t’ia arrijë nëse lind fëmijën e parë në moshën 23-vjeçare, kundër vetëm 50% shans në moshën 35 vjet. Përdorimi i fekondimity in vitro (IVF) mund t’i shtyejë ato deri përkatësisht 28 dhe 36 vjet.
Studimi nuk thotë se përveç ndonjë problemi të fertilitetit, duke pasur fëmijën e saj të parë në fund të jetës mund të sjellë probleme të mëdha shëndësore. Duhet në të vërtetë një formë olimpike dhe një  forcë mendore e palëkundshme për të arritur të kesh një fëmijë pas moshës 40-vjeçare.