Çmimet e këtyre ushqimeve zvicerane janë rritur ndjeshëm

Cilat janë ato?

Në krahasim me pjesën tjetër të Evropës, Zvicra ka një normë të ulët inflacioni. Megjithatë, çmimet e ushqimeve po rriten këtu – ndonjëherë deri në 50 për qind, përcjell albinfo.ch.

Produktet ushqimore janë bërë dukshëm më të shtrenjta në 12 muajt e fundit, sipas Dirk Renkert, ekspert financiar në platformën e konsumatorëve Comparis.

Për shembull, gjalpi kushton 12.3 për qind më shumë se një vit më parë, sheqeri është rritur me 14.1 për qind, ndërsa qumështi, djathi dhe vezët tani kushtojnë 8.9 për qind më shumë.

Çmimet e disa ushqimeve u rritën edhe më shumë.

Gazeta NZZ analizoi çmimet në Coop këtë muaj dhe zbuloi se rritja më e madhe e çmimeve në krahasim me vitin e kaluar ishte pasta e domates ‘Passata di pomodoro’ nga marka e lirë Coop Prix Garantie — deri në 64 për qind. Çmimet për domatet e copëtuara, majonezën, majanë dhe qepët e kuqe janë rritur gjithashtu me më shumë se 50 për qind brenda një viti.

 

 

 

---