Çmimi i gazit në Francë rritet nga 1 korriku

(KEYSTONE/Christian Beutler)

Çmimi mesatar i faturave të gazit për miliona francezë do të rritet mesatarisht me 11.7 për qind nga 1 qershori, njoftoi këtë të hënë Komisioni Francez Rregullator i Energjisë (CRE).

Rritja e çmimit arrin në 13.50 euro për megavat-orë, që vjen kryesisht si pasojë e rritjes së çmimeve të shpërndarjes që përballon operatori i rrjetit GRDF dhe faturohet tek furnitorët. Komisioni Rregullator i Energjisë ka paralajmëruar se kjo rritje e çmimit vjen pas disa muajsh rënie të njëpasnjëshme të çmimit të gazit dhe se çmimet do të vazhdojnë të jenë më të ulëta se sa ishin në janar 2024.

Siç u tha, konsumi i gazit në Francë është në rënie, kështu që pjesa e kostove për shpërndarjen e gazit po rritet proporcionalisht dhe përfaqëson një zë gjithnjë në rritje në llogaritë e francezëve.

Më 3 qershor, një dështim në qendrën norvegjeze të gazit Sleipnir rriti shkurtimisht çmimet e gazit me 10.4 për qind në 37.8 euro për megavat-orë, që do të thotë se vendet evropiane janë ende shumë të ndjeshme ndaj ndërprerjeve të papritura të furnizimit.