Çmimi i naftës bie në nivelin më të ulët prej fillimit të luftës në Ukrainë

Çmimet e naftës zbritën me 5 dollarë në nivelin më të ulët që kur Rusia të pushtonte Ukrainën, përcjell albinfo.ch.

Ulja e fundit e ka shtyrë naftën e papërpunuar Brent, pikë referimi në Detin e Veriut, në një nivel më të ulët prej 92.78 dollarësh: ky është niveli i përbashkët më i ulët që prej kohës kur Vladimir Putin urdhëroi fillimin e pushtimit rus të Ukrainës.

Rënia e madhe e çmimit të naftës të së hënës përputhej saktësisht me nivelin më të ulët të mëparshëm pas pushtimit, i cili u arrit më 5 gusht, raporton The Guardian.

Çmimet e Brent arritën kulmin më 7 mars në 139,13 dollarë, kur shqetësimet për furnizimet nga Rusia arritën kulmin.

Ato kanë mbetur mbi 100 dollarë për shumicën e kohës që atëherë – një nivel i parë rrallë në histori.

Është një histori e ngjashme për West Texas Intermediate, standardi i Amerikës së Veriut, i cili arriti një nivel të ulët prej 86,82 dollarë, më i ulëti që nga 3 shkurti.

---