Cyrih: Dalin me sukses masat për reduktimin e nxehtësisë

Qyteti i Cyrihut ka zbatuar deri më tani rreth 40 masa si pjesë e “planifikimit të specializuar për reduktimin e nxehtësisë” me qëllimin për të siguruar që qyteti të nxehet më pak gjatë stinës me temperatura të larta.

Të hënën, Këshilli i qytetit të Cyrihut ka nxjerrë një përfundim fillestar pozitiv të këtij plani, transmeton albinfo.ch. Në katër vjetët e para të projektit u bë shumë në këtë rejtim me mbjellje pemësh dhe gjelbërim vertikal ose në çati.

Megjithatë, jo të gjitha masat kanë rezultuar të suksesshme. Për shembull, një re artificiale që do të “instalohej” në një nga vendet më të nxehta në Cyrih. Projekti, sa i përket kësaj pike nuk do të vazhdojë më tutje. shkruan srf.ch. Sipërfaqet e ngjyrosura të rrugëve gjithashtu nuk patën efektin e dëshiruar.