Cyrih: Në prag të edicionit të tretë të “Zurich Shqip Up Comedy Festival”

Tashmë përgatitjet kanë filluar për edicionin e tretë të “Zurich Shqip Up Comedy Festival”, duke e bërë një ngjarje të jashtëzakonshme për komunitetin shqiptar në Zvicër. Ky festival tashmë është bërë një pikë referimi për artin e komedisë shqiptare dhe pritet të mbledhë shumë të qeshura dhe argëtim në Cyrih, përcjell albinfo.ch.

Ky edicioni do të mbahet për herë të parë në dy net, më 18 dhe 19 tetor, në sallën prestigjioze “Stadthalle Dietikon”. Kjo shtesë e një nate të dytë vjen si përgjigje ndaj interesimit të madh dhe popullaritetit të jashtëzakonshëm që festivali ka fituar vit pas viti.

Interesimi për blerjen e biletave ka qenë i jashtëzakonshëm, dhe shumë prej tyre janë shitur tashmë përmes platformave online. Biletat mund të blihen lehtësisht duke klikuar këtu.

“Interesimi i lartë për biletat është një tregues i qartë i pritshmërive të mëdha që ka publiku për këtë ngjarje. Ne kemi përgatitur një kast të mrekullueshëm të aktorëve që do të performojnë në dy netët përkatëse të festivalit”, tha Murati.

Ai gjithashtu shtoi se festivali synon të sjellë një kombinim të përsosur të humorit dhe argëtimit, duke përfshirë aktorë të njohur dhe të rinj që premtojnë performanca të paharrueshme. Pjesëmarrësit do të kenë mundësinë të shijojnë të qeshura të papritura dhe momente që do t’i mbajnë mend gjatë.

“Zurich Shqip Up Comedy Festival” tashmë është bërë një ngjarje e rëndësishme në kalendarin kulturor të diasporës shqiptare në Zvicër, duke ofruar një platformë të fuqishme për talentet komike të shprehin kreativitete dhe për publikun të shijojë një natë të mbushur me humor cilësor.

Me vendin e caktuar dhe përgatitjet në rrugën e duhur, ky festival premton të jetë një ngjarje e paharrueshme për të gjithë ata që duan të argëtohen dhe të qeshin me zë të lartë. Mos e humbisni këtë mundësi të mrekullueshme për të përjetuar një natë komedie të vërtetë në zemër të Cyrihut!