Daka tregon edhe një herë si duhet votuar në Kosovë

Kryetarja e Komisionit Qendror Zgjedhor, Valdete Daka u është drejtuar me një mesazh qytetarëve me të drejtë vote.

Për Zgjedhjet Lokale janë dy fletëvotime, një për kryetar të Komunës i cili do të ketë ngjyrë të verdhë dhe një për Kuvend Komunal i cili do to të ketë ngjyrë të kaltër, përcjell albinfo.ch.

#Vetëm1 është mesazhi thelbësor në kuadër të fushatës së KQZ-së që ka për qëllim edukimin e votuesve për mënyrën se si duhet të plotësojnë fletëvotimet:

– Në fletëvotimin për kryetar komune, ku janë të renditur emrat e kandidatëve, ju duhet të shënjoni #Vetëm1 kandidat.

– Në fletëvotimin për Kuvend Komunal, në anën e majtë të tij, ju duhet të shënjoni #Vetëm1 subjekt politik, kurse në anën e djathtë të fletëvotimit duhet të shënjoni #Vetëm1 kandidat për Kuvend Komunal.