Dalai Lama preferon etikën dhe moralin para religjionit

Ndërkohë që Dalai Lama në sallë ka pritur ithtarët e tij, jashtë sallës, një grup protestuesish kanë hedhur parulla kundër tij, duke e quajtur gënjeshtar

Lideri shpirtëror i Tibetit, Dalai Lama, gjatë kësaj fundjave po qëndron në Bazel të Zvicrës. Ai me këtë rast ai ka pritur besimtarët e tij në sallën e madhe St. Jakobshalle të këtij qyteti.

Veç lutjeve dhe ceremonive fetare, Dalai Lama ka mbajtur edhe një konferencë për medie, me ç`rast ka dhënë qëndrimet e tij në lidhje me raportin në mes të religjionit dhe etikës.

Ai i ka gjykuar luftërat që bëhen në emrin e religjionit. Më tutje, lideri shpirtëror tibetian ka thënë se fëmijëve u duhet mësuar sa më herët etika dhe morali e jo religjioni.

Ndërkohë që Dalai Lama në sallë ka pritur ithtarët e tij, jashtë sallës, një grup protestuesish kanë hedhur parulla kundër tij, duke e quajtur gënjeshtar. Kjo situatë pasqyron përçarjen që mbretëron në mes të tibetianëve në ekzil, pjesa më e madhe e të cilëve adhurojnë Dalai Lamën ndërsa një pjesë tjetër, të tubuar kryesisht rreth Shugden Community (ICS) e kundërshtojnë atë.