Danimarka heq dorë plotësisht nga vaksina Astra-Zeneca

Fushata e vaksinimit do të vazhdojë pa përdorimin e  kësaj vaksine të prodhuar nga ndërmarrja britanike-suedeze

Vazhdojnë dyshimet lidhur me pasojat e dëmshme (efekteve anësore) të vaksinës Astra Zeneca.

Danimarka është vendi i parë në Evropë që përjashton plotësisht përdorimin e vaksinës shumë të kontestuar, Astra-Zeneca, shkruan srf.ch.

Fushata e vaksinimit do të vazhdojë pa përdorimin e  kësaj vaksine të prodhuar nga ndërmarrja britanike-suedeze, ka njoftuar sot administrata shëndetësore daneze në Kopenhagë.

Gjithashtu edhe Finlanda ka njoftuar të mërkurën se nuk do të përdorë më vaksinën për personat nën 65 vjeç, transmeton albinfo.ch.

Nga ana tjetër, Franca, për shembull, ripohoi besimin e saj në përdorimin e pakufizuar të Astra-Zeneca.

---