De Biasi afër rikthimit në Itali

©albinfo.ch: Gianni De Biasi

Trajneri i njohur italian, Gianni De Biasi, që udhëhoqi për disa vjet kombëtaren shqiptare, pritet të kthehet në Serie A.

De Biasi mund të zëvendësojë Leonardo Semplicin, që pritet të largohet së shpejti nga Spal. Spal është në pozitën e tretë prej fundit, me vetëm tri fitore, tetë barazime dhe 12 humbje deri tash.

Sipas raportimeve nga mediat italiane, De Biasi është ndër më të kërkuarit prej kësaj skuadre, transmeton Albinfo.ch.

Vendimtare për larigmin e Semplicit pritet të jetë ndeshja e kësaj jave me Milanin.

Që nga largimi prej Shqipërisë vitin e shkuar, De Biasi udhëhoqi Alavesin në Spanjë, por u largua shpejt pas dështimit. Në të kaluarën, në Itali ka udhëhequr disa skuadra përfshirë Torinon e Udinesen.