Debutimi i Rashicës

Të gjithë e prisnim dhe më në fund ndodhi. Milot Rashica të martën debutoi me Kombëtaren Shqiptare në miqësoren ndaj Luksemburgut. Rashica hyri në lojë në minutën e 60-të në ndeshjen e parë me kuqezinjtë.

Futbollisti i Vitesses ka shkëlqyer këtë edicion në Holandë dhe shihet si njëri nga lojtarët më të talentuar shqiptar. Së fundi u spekulua se mund t’i bashkohet Napolit dhe këtu ka një ndihmë të madhe nga Gianni De Biasi.

Por, për talentin nga Vushtrria ka shprehur interesim edhe Tottenahmi, por edhe Ajax, PSV e Galatasaray. Rashica gjithashtu shpreson të jetë pjesë e Shqipërisë në Francë, përcjell albinfo.

Kujtojmë që Rashica kaloi nga Vushtrria në Vitesse dhe ka impresionuar të gjithë me paraqitjet e tij.