Delegacioni i Kosovës vonohet për bisedimet në Bruksel

Takimi i parë i përfaqësuesve të Prishtinës dhe Beogradit, që duhej të fillonte sot në orën 15:00 në Bruksel, sipas informatave të Telegrafit, është shtyrë për në mbrëmje, ngase delegacioni i Kosovës nuk kanë arritur në udhëtojnë me kohë.

Delegacioni i Kosovës, i kryesuar nga zëvendëskryeministrja Edita Tahiri nuk ka arritur të udhëtojë mbrëmë për në Bruksel, ndërsa udhëtimin i saj është shtyrë për të sot, ngase Kuvendi i Kosovës mbrëmë ka pasur debat rreth bisedimeve teknike me Beogradit, ku nuk solli rezolutën e propozuar nga Qeveria për këto bisedime me ndërmjetësim të BE-së.

Mësohet se Tahiri dhe delegacioni kosovar do të niset sot në orën 12:00 për në Vjenë, e më pas për në Bruksel.

Sipas burimeve të Telegrafit takimi i parë i drejtpërdrejtë do të fillojë sonte rreth orës 19:00 në zyrat e ndërmjetësuesit të BE-së, Robert Cooper, ndërsa është planifikuar që këto bisedime të vazhdojnë nesër në orën 10:00.

Këto bisedime po fillojnë pasi ndërmjetësuesi i BE-së, Robert Cooper arriti të përpilojë agjendën e bisedimeve me të dyja palët. SHBA-të në këto bisedim do t’i përfaqësojë zëvendëssekretari i Shtetit, Thomas Countryman.

Në fund të bisedimeve të para, që do të përfundojnë të mërkurën, është paraparë që përfaqësuesja e lartë e BE-së, Catherine Ashton të dal me një komunikatë rreth bisedimeve, ndërsa të dy palët do të japin deklarata për media.