Derisa Policia e Kosovës kërkonte arrestimin e shqiptarit, ai ndodhej në një burg të Francës

Policia në Pejë ka kërkuar ndihmë për identifikimin e një personi të dyshuar për veprën penale “Shtytja në kryerjen e veprës penale degradimi i integritetit seksual”.

Raportohet se shqiptari tashmë ndodhet në një burg të Francës, dhe është tiktok-er i famshëm për ata që e përdorin këtë aplikacion.

Pra, ky i dyshuar, hyn me video-lidhje në Tik-tok nga burgu.

“Sektori Rajonal i Hetimeve DRP Pejё ёshtё duke zhvilluar hetime intensive pёr kapjen e personit tё dyshuar pёr veprën penale “Shtytja nё kryerjen e veprës penale degradimi i integritetit seksual”.

“Nga rrjetet sociale ёshtё siguruar fotografi e personit tё dyshuar, mirëpo deri me tani nuk ёshtё bёrё identifikimi i tij”, kështu tha sot Policia e Kosovës, kur e publikoi fotografinë e tij për të kërkuar ndihmë nga qytetarët për ta kapur.

Gjithashtu, vlen të theksohet se Policia e Kosovës ka arrestuar një person, të njohur si “Valmir bossi”, i cili në rrjetin social TikTok ka publikuar video duke abuzuar seksualisht një të mitur, i lidhur në Tik-Tok me të dyshuarin e lartpërmendur.

Lajmin e ka konfirmuar zëdhënësi i Policisë Rajonale në Pejë, Driton Rugova, i cili ka njoftuar se i dyshuari është ndaluar pёr 48 orё.

“Pasi qё kemi vërejtur nё rrejtet sociale qarkullimin e njё video incizimit të abuzimit seksual, Stacioni Policor Klinë menjёherё ka ndёrmarrё masat e nevojshme dhe ka identifikuar dhe ka arrestuar personin e dyshuar”, tha Rugova.