Derivatet pritet të arrijnë çmimet në 2.30 euro për litër

Ka disa muaj prej kur qytetarët janë duke u përballur me rritje ekstreme të çmimeve në Kosovë dhe rajon.

Gjithçka nisi nga energjia elektrike, më pas në produktet bazë, e duke vazhduar edhe deri te çmimi i derivateve.

Por, edhe më shqetësuese kjo çështje është bërë tani kur çmimi i derivateve ka arritur në 1.90 centë për litër.

E siç duket, çmimi i derivateve do të shkojë edhe më lart, saktësisht në 2.30.

Kjo është paralajmëruar edhe nga ish-kryetari i Autoritetit Kosovar të Konkurrencës, Valon Pestreshi.

Ai shtoi se ne si qytetarë nuk e kemi idenë se çfarë masa mbrojtëse do të ndërmarrë Qeveria.

 

Postimi i plotë:

Bazuar në një punim parashikues ekonometrik të JP morgan, çmimet e derivateve deri në gushtë/22, pritet të prekin vlerat deri në 7$/galon.

Ndërsa qeveria amerikane pritet të ndarmarrë masa të shpejta lehtësuese, duke zbatuar politika të uljeve të taksave dhe shtimin e subvencioneve.

Por asnjëherë nuk ndërhyn në përcaktimin e marzhës së fitimit apo të çmimit shitës, sepse Amerika ka ekonomi të tregut.

Në vendin tonë, deri në gusht/22 çmimet e derivateve pritet të prekin vlerat 2.30€/litër.

Ne si qytetarë të Republikës së Kosovës idenë nuk e kemi se çfarë masa mbrojtëse do të ndërmarrë Qeveria jonë!”

---