Dështimi i konstituimit të Kuvendit: Presidentja e Kosovës fton të enjten në takim liderët e partive politike

Vjosa Osmani, Presidente e Kosoves

Presidentja e Kosovës, Vjosa Osmani, ka ftuar në një takim konsultativ liderët e partive kryesore, pasi ka dështuar për të 14-tën herë konstituimi i Kuvendit të Kosovës.

Presidentja ka propozuar që takimi të mbahet më 15 maj në orën 13:00, gjë që u konfirmua edhe nga këshilltari i saj, Bekim Kupina.

“Presidentja Osmani do të fillojë një seri konsultimesh rreth çështjes së konstituimit të Kuvendit nga data 15 maj. Ftesat tashmë janë dërguar për takimet e para dhe po presim konfirmimet,” tha Kupina, transmeton albinfo.ch.