Maqedonia
Dështon sezoni turistik në Kodrën e Diellit të Tetovës
![](https://www.albinfo.ch/wp-content/uploads/2024/03/screenshot_20240331_155553_facebook-587x352.jpg)
Sezoni turistik në Kodrën e Diellit ka përfunduar. Apo, më mirë të themi, nuk filloi aspak sivjet, sepse sipas përllogaritjeve, sezon ka pasur diku vetëm 10 ditë. Bashkë me këtë, kanë përfunduar edhe shpresat e afaristëve në Kodër të Diellit për të punuar dhe për të nxjerrë ato pak investime që bënë.
Një ndër afaristët në Kodrën e Diellit tha për alsat se të gjitha investime e bëra, duke përfshirë edhe angazhimin e kuadrit, shkuan huq. Sipas tij, humbjet për këtë sezon janë me dhjetëra mijëra euro. Pronarët e hoteleve thonë madje se po mendojnë seriozisht të mbyllin bizneset e tyre, pasi shteti nuk është fare i interesuar për këtë pikë turistike.
“Kemi pasur shumë anulime. E patëm edhe muajin e tretë të rezervuar, por janë bërë anulime, se ngrohtë shumë. Kemi punuar me shumë vështirësi, patëm edhe ndalesën për ratrakët për skijim, pra Kodrën e Diellit mund ta bëjmë lirisht deponi qensh dhe t’i mbyllim hotelet. Këtu të gjithë punojnë që të mos punohet. Askush nuk punon që të punohet”, tha Hashim Hasani, pronar hoteli.
“Këta tre muaj ishte shumë sezon i keq, më i keqi i dhjetë viteve të fundit. Në janar diçka deri kah i njëzeti patëm pak punë, por më pas, me mbylljen e pushimeve dimërore, u pre puna. Nëse vazhdon kështu me këto presione, vështirë, mendohen që të iki prej kodrës së Diellit”, u shpreh Zharko Nedelkovski, pronar hoteli, përcjell albinfo.ch.
Situata më së shumti ka ndikuar ndaj bizneseve më të vogla. Me vetëm gjashtë ditë sezon, pronarët thonë se nuk arritën të sigurojnë as kafshatën, e lere më të paguajnë qiranë e dyqaneve. Kërkojnë nga drejtoria e Kodrës së Diellit që sivjet t’ua falë qiratë, sepse përndryshe, do duhet t’i mbyllin dyqanet.
“S’kemi punuar, me gjashtë ditë që ka punuar teleferiku, s’jepet qiraja, edhe ato ski që i kemi dhënë me qira, na kanë dëmtuar, na kanë kthyer. Duhet të mblidhemi të gjithë dhe të diskutojmë me drejtorinë se çka do të bëjmë, si do t’ia bëjmë”, tha një shitës skijash.
“Humbje kemi se çka kemi investuar diçka, nuk kemi punuar asgjë, s’kemi marrë asgjë”, shtoi ai.
Shpresa e vetme për bizneset në Kodrën e Diellit mbetet turizmi veror, edhe atë nëse arrihet marrëveshje midis Ministrisë së Ekonomisë dhe Komunës së Tetovës që të lëshohet gjashtulësja për shëtitje panoramike.
Të tjera nga Maqedonia
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n