Diaspora mund t’i fitojë 3 deputetë në Parlamentin e Maqedonisë

Nëse do të votojnë të gjithë mërgimtarët të cilët tani janë regjistruar në listën e votuesve, diaspora mund të sigurojë tre ulëse në Parlamentin e Maqedonisë, njoftojnë mediat në Shkup duke cituar zyrtarë të Komisionit Shtetëror Zgjedhor.

Regjistrimi i votuesve nga diaspora përfundon sot, dhe sipas informatave të fundit nga KSHZ-ja, ka raportuar se janë regjistruar më shumë se 18.600 qytetarë.

Sipas amendamenteve të Kodit Zgjedhor që të zgjidhet një deputet nga diaspora duhet të sigurojë rreth 6500 vota. Sipas votuesve të regjistruar, tre deputetët mund të zgjidhen nga njësia elektorale me numër 7, e cila përfshin Veriut dhe Amerika e Jugut, Evropë dhe Australi.