Diaspora për një ditë, rreth 100 mijë euro për fondin emergjent në Kosovë

Diaspora 100 mijë euro për fondin emergjent për një ditë

Zëdhënës i Vetëvendosjes, Arlind Manxhuka ka bërë të ditur se mërgata për një ditë ka mbledhur 100 mijë euro për fondin emergjent. Ajo solidarizohet si gjithnjë me vendlindjen dhe beson në qeverisjen e re. Po ashtu i jep përgjigje cinikëve që s’besojnë asgjë dhe kukasin gjithandej, ka shkruar ai në profilin e tij facebook, përcjell albinfo.ch

Ditë më parë kryeministri në detyrë i Kosovës, Albin Kurti, ka kërkuar nga mërgimtarët që ta ndimojnë qeverinë me mjete financiare, për ta luftuar koronavirusin.

Ai bëri të ditur se qeveria ka hapur një xhirollogari të posaçme, dedikuar menaxhimit të pandemisë.

Të gjitha mjetet, sipas tij, do të shkojnë në mbështetje të të gjitha aktiviteteve të ministrive, të cilat kanë nevojë financiare shtesë për ta zvogëluar ndikimin e pandemisë në sektorin e caktuar.

Kësaj nisme i janë përgjigjur masivisht menjëherë kosovarët që jetojnë në vendet e ndryshme të botës. /Albinfo.ch.

 

---