Digjet autobusi i linjës Prishtinë-Gjilan

Në magjistralen Prishtinë-Gjilan, në fshatin Slivovë sot rreth orës 09:00, është djegur një autobus, por për fat të mirë nuk ka pasur viktima e as të lënduar, transmeton albinfo.ch.

Policia njofton se menjëherë pas marrjes së informatës së bashku me zjarrfikësit kanë dalë në vendin  e ngjarjes.

“Zjarri është lokalizuar, nuk ka asnjë person të lënduar, janë shkaktuar vetëm dëme materiale, autobusi është djegur tërësisht. Aktualisht policia po vazhdon me ndërmarrjen e të gjitha veprimeve të nevojshme hetimore me qëllim të ndriçimit dhe sqarimit të të gjitha rrethanave që kanë të bëjnë me rastin”, thuhet në njoftimin e policisë.