Digjet një furgon me nëntë udhëtarë nga Maqedonia Veriore, nuk ka të lënduar

Për shkaqe ende të panjohura, një furgon është djegur në autostradën austriake A4.

Pasditen e vonshme të 24 korrikut të këtij viti, një shtetas 21-vjeçar nga Maqedonia Veriore, ka qenë duke udhëtuar me furgonin e tij në autostradën A4, në drejtim të Hungarisë, në afërsi të Nickelsdorfit, rrethina Neusiedl am See. Brenda në automjet kanë qenë tetë persona, gjithashtu shtetas të Maqedonisë Veriore.

Duke ngarë automjetin, vozitësi ka vërejtur nga pasqyra e pasme se nga makina e tij po dilte tym. Menjëherë e ndalon furgonin në një korsi të emergjncës dhe e hapë kopertinën e motorit, shkruan “Regio News”, përcjell Albinfo.ch . Hapësira e motorit tashmë kishte filluar të digjet, vozitësi i ri tentoi ta shuaj zjarrin me pajisje kundër zjarrit. Në ndërkohë, edhe bashkudhëtarët e tij kishin dalë jashtë automjetit dhe ishin vendosur në vend të sigurt.

Me ardhjen e njësisë zjarrfikëse nga Mönchhof dhe Nickelsdorf, furgonin e kishin përfshirë flakë të plota.

Gjatë zjarrfikjes nuk pati incidente, autostrada në drejtim të Hungarisë ishte e kalueshme vetëm në një korsi.

Shkaku i zjarrit është ende i panjohur. Për fat të mirë askush nuk ka pësuar lëndime, ndërsa furgoni është djegur plotësisht.