Distria Krasniqi kalon në çerekfinale të Grand Slamit të Tbilisit

Gjeorgji: Kosova po merr pjesë me 4 xhudiste në Grand Slam Tbilisi

Distria Krasniqi ka prekur çerekfinalen në Grand Slamin e Tbilisit.

Kampionja Olimpike në xhiron e tretë mposhti me Wazaari, holandezen Naomi Van Krevel, në kategorinë deri në 52 kg.

Ky Grand Slam do të ketë pjesëmarrës nga 5 kontinente, 83 shtete,  531 garues, nga të cilët 296 meshkuj dhe 235 femra, përcjell albinfo.ch.

Nga Kosova do të ndeshen këto garuese:

Distria Kransiqi (-52 kg);

Flaka Loxha (-57 kg);

Laura Fazliu (-63 kg);

Loriana Kuka (-78 kg).

Distria dhe Flaka ndeshen sot, Laura ndeshet të shtunën, kurse Loriana ndeshet të dielën.

Garuesit tonë kanë udhëtuar bashkë me trajnerin Fatos Tabaku.

Ndeshjet drejtpërdrejtë mund t’i ndiqni nesër nga ora 06:00 në linkun e mëposhtëm: http://judotv.com/competitions/gs_geo2024/live

---