Dollari dobësohet kundrejt frangut dhe euros

Kursi i këmbimit të dollarit me frangun ra në 0.942 të premten në mëngjes. Në këtë nivel ishte vetëm në gusht 2015. Dollari është dobësuar gjithashtu ndaj euros, shkruan Reuters.

Që nga fillimi i vitit, tashmë ka humbur më shumë se 14 për qind dhe tani është duke tregtuar më ulët se në janar 2017 me monedhën e përbashkët evropiane.

Kjo rënie e fundit të dollarit ka të ngjarë të ketë qenë rezultat i deklaratave të Bankës Qendrore Evropiane për normat e interesit.

Gjatë gjithë ngjarjes së BQE-së, pati një optimizëm të dukshëm në lidhje me zhvillimin e mëtejshëm të inflacionit, komentoi “Commerzbank”.

Rritja e euros, nuk është aq problematike në sytë e bankierëve qendrorë.

Përveç kësaj, tensionet politike midis SHBA dhe Koresë së Veriut kanë ndikuar në monedhën amerikane. Shumë vëzhgues të tregut gjithashtu justifikojnë dobësinë e dollarit me një humbje të besimit në presidencën e Donald Trump. Nga ana tjetër, euro e fortë lidhet me rimëkëmbjen ekonomike në eurozonë.

Banka “Raiffeisen” shkroi në një koment të enjten se një reformë e suksesshme e taksave në SHBA mund të “ringjallë” dollarin.

Përveç kësaj, të gjitha valutat aziatike po përfitojnë nga dobësimi i dollarit amerikan në fundjavë, thanë tregtarët, përcjell albinfo.ch.