Donald Trump shpallet fajtor, dënohet me “lirim të pakushtëzuar”

Keystone (AP Photo/Alex Brandon)

Gjykata Supreme e ka dënuar presidentin e zgjedhur të Shteteve të Bashkuara të Amerikës, Donald Trump, për “paratë për heshtje”, por pa ndonjë masë ndëshkuese (burg apo gjobë) për 34 akuzat.

Gjykatësi Juan Merchan e kishte paralajmëruar më herët këtë lloj dënimi për Trumpin teksa u bë e ditur se ai është dënuar me “lirim të pakushtëzuar”, raporton BBC.

‘”Ky rast ka qenë përvojë shumë e tmerrshme, dhe mendoj se është kthim prapa për New Yorkun dhe sistemin gjyqësor të tij”, ka thënë Trump, transmeton albinfo.ch.

Ndryshe, ai u dënua për falsifikim të të dhënave të biznesit pasi dyshohet se kreu një pagesë prej 130 mijë dollarëve për yllin e filmave për të rritur, Stormy Daniels.

Trumpi përmes avokatit ia dha këtë pagesë pornostares që ajo të heshtte para zgjedhjeve të vitit 2016, pasi pretendonte se ka pasur marrëdhënie seksuale me presidentin e ri të SHBA-së.