Dorëhiqen anëtarët e KSHR-së, regjistrimi anulohet!

Arsyet për dorëheqjen e anëtarëve kanë qenë për shkak të problemeve në terren me interpretimin e ligjit në forma të ndryshme

Të gjithë anëtarët e Komisionit Shtetëror për Regjistrim (KSHR), sonte kanë dhënë dorëheqje, mëson jo zyrtarisht “Zhurnal”. Me këtë regjistrimi në Maqedoni anulohet në një afat të pacaktuar.

Arsyet për dorëheqjen e anëtarëve dhe ndërprerjen e këtij procesi i cili që në fillim ishte me parregullsi siç është e njohur kanë qenë për shkak të problemeve në terren me interpretimin e ligjit në forma të ndryshme.

Burime të “Zhurnal” bëjnë të ditur se Qeveria e Maqedonisë në një seancë të jashtëzakonshme të martën, madje do të sjell një vendim të ri lidhur me situatën e krijuar,ndërsa nuk përjashtohet mundësia që në Parlament të propozohen ndryshime të ligjit për regjistrimin e popullsisë.

Analizat e fundit të KSHR-së dhe Zyrës shtetërore për statistikë ishin se 55 për qind　apo një milionë e popullatës gjithsej në Maqedoni ishin regjistruar, por jo në masë të duhur te vendbanimet shqiptare.