Dreri i humbur çon në mbylljen e autostradës Gotthard

Një dre i hutuar ka hyrë në zonën e hyrjes së autostradës Wassen UR pranë tunelit Gotthard këtë mëngjes. Meqenëse ka refuzuar të largohej, rojet e gjahut e kanë qëlluar atë, transmeton albinfo.ch.

Tuneli Gotthard u mbyll për pak kohë para mesditës, duke rezultuar në bllokime trafiku me ç`rast kolona para tunelit ka qenë disa kilometra e gjatë, shkruan srf.ch.

Raporti për drerin në zonën e rrezikut u mor në orën 8 të mëngjesit, sipas Policisë Kantonale të Urit. Një patrullë policie, së bashku me rojet e gjahut, më pas u përpoqën ta largonin kafshën, por nuk patën sukses.

Meqenëse kafsha ishte në rrezik atje dhe gjithashtu kërcënonte trafikun, rojet e gjahut më në fund e qëlluan atë në orën 11:45 të mëngjesit, shkruan policia.

Hyrja dhe dalja e autostradës u mbyllën për këtë qëllim, ashtu si dhe tuneli Gotthard në drejtim të veriut.