Dridhje të lehta toke në Valis

Natën e mbrëmshme, mes orës 21 e 48 dhe 00.32, disa dridhje toke radhazi kanë shqetësuar banorët e kantonit Valis. Fuqia e tërmetit ka qenë në mes 2.8 dhe 3.3 shkallë të Richterit.

Dy dridhjet e para kanë pasur epiqendrën në Mollens dhe kanë pasur fuqinë prej 3.3 shkallëve ndërsa të mëvonshmet, në Siders 2.8 shkallë të Richterit.

Policia kantonale e Valisit ka bërë të ditur se ka marrë rreth 250 thirrje telefonike të banorëve të shqetësuar, ndërsa nuk ka pasur dëme të shkaktuara dhe as lëndime.