Kosova

Dua Lipa nuk ka shtetësi të Kosovës

E martë, 29 Nëntor 2022 - 17:00 albinfo.ch

Këngëtarja shqiptare me prejardhje nga Kosova, Dua Lipa, përfaqëson shpeshherë vendin e saj të origjinës Kosovën, e madje edje nuk e fsheh krenarinë që vjen nga Kosova. Por, ajo nuk posedon shtetësi të Kosovës.

Këtë e ka bërë të ditur vetë Dua dje në një konferencë për medie në Shqipëri, aty ku pranoi pasaportën shqiptare, shkruan albinfo.ch.

Ajo u pyet nga një gazetar nga Kosova se sa shtetësi posedon dhe përgjigjja e saj ishte se e ka atë të Britanisë dhe Shqipërisë, të cilën e mori me ceremoni shtetërore.

Ndërsa me rastin e 110-vjetorit të pavarësisë së Shqipërisë, artistja e famshme mbajti një konvert në sheshin ‘Skëndërbej’ në Tiranë.