Dy deputetë nga diaspora?

Xhevdet Spahiu ka më shumë gjasa të jetë deputeti i parë shqiptar nga diaspora e Maqedonisë.

Ilustrim

BDI, VMRO-DPMNE, LSDM kanë intensifikuar kontaktet me emigrantët që nga fillimi i fushatës zgjedhore dhe shpresojnë të fitojnë dy deputetë nga diaspora, pavarësisht nga pragu lartë i zgjedhjes me rreth 6.500 vota për një vend.

Sipas të dhënave nga KSHZ-ja, nga diaspora janë raportuar rreth 18.700 votues të mundshëm, që do të thotë se shumica e emigrantëve janë duke shpresuar për dy deputetë, ndërsa për të tretin vështirës se do të mblidhen votat e nevojshme, raportojnë mediat në Shkup, përcjell albinfo.ch.

BDI kërkon votuesit e saj tradicionalë në Evropë, ndërkohë që, nga ana tjetër, VMRO-DPMNE krahas votuesve në vendet evropiane, ka mbështetës edhe në Australi.

Për një dallim të ciklit të fundit të zgjedhjeve, kur pjesa më e madhe e votuesve të regjistruar ishin nga Australia, në këto zgjedhje është raportuar për më shumë votues në Evropë.