Dy filma për bletët, fitues në Festivalin e Soloturnit

Filmi dokumentar “Der Imker” (Bletari) ka fituar çmimin "Prix de Soleure", ndërsa ai "More than Honey" (Më shumë se mjaltë) çmimin e publikut

Me ndarjen e çmimeve, në mbrëmjen e të enjtes ka mbyllur perdet Festivali i 48 i filmit “Ditët e filmit të Soloturnit”. Filmi dokumentar “Der Imker” (Bletari) i regjisorit Mano Khalil ka fituar çmimin e parë të jurisë, “Prix de Soleure” që ka edhe vlerën financiare, 60 mijë franga. Filmi fitues bën fjalë për azilkërkuesin kurd Ibrahim Gezer, i cili përmes kultivimit të bletëve gjen shoqëri në Zvicër, edhe pa e njohur gjuhën e vendit.

Sipas jurisë së festivalit ajo që meriton veçanërisht të vlerësohet në këtë film është “pozitiviteti” i tij dhe “besimi i patundur në njeriun”.

Është për t`u përmendur se çmimi “Prix de Soleure”, secilën herë deri më tash u është dhënë filmave dokumentarë.

Ndërkaq, çmimin e publikut, me vlerën prej 20 mijë frangash, e ka fituar një film po ashtu dokumentar dhe që ka të bëjë po ashtu me bletët. “More than Honey” (Më shumë se mjaltë) është emri i filmit, i cili tashmë ka thyer të gjithë rekordet për shikueshmërinë  filmave dokumentarë në Zvicër. Ai bën fjalë për jetën e bletëve dhe për rëndësinë që kanë bletët për vazhdimësinë e jetës mbi tokë.

Në këtë festival është shfaqur edhe filmi “Kosovo Dreams” i regjisores Valeria Stucki, që merret me mbrojtjen e ambientit në Kosovë.

Ndryshe, festivali i 48 i filmit në Soloturn ka thyer edhe një rekord. Me 60 mijë bleta të shitura ai ka qenë festivali më i vizituar deri më tash. Zgjedhja e bërë kësaj radhe që filmat të shfaqeshin në më shumë kinema se herëve