Dy herë tejkaloi shpejtësinë e lejuar, i konfiskohet patentë shoferi vozitësit

EPA/HENDRIK SCHMIDT

Një ngasës i një veture garash dy herë tejkaloi shpejtësinë në Aargau.

Herën e parë arriti të anashkalojë kontrollin e sigurisë nga ana e policisë kantonale.

Për Blick, policia tha se ngjarja ka ndodhur të mërkurën pasdite.

“Një shofer Ferrari i Cyrihut (40) kaloi një kontroll me radar në Furttalstrasse pranë Würenlos AG me 127 km/h. 80 km/h do të ishte lejuar”, përcjell albinfo.ch.

Për shkak se Ferrari Roma po udhëtonte shumë shpejt, policia fillimisht nuk mundi ta ndalonte makinën.

Ai u paraqit edhe një herë tjetër me 121 km/h. Policia ishte gati, mundi të ndalonte makinën dhe t’i tregonte shoferit të dorëzonte patentë shoferin.