Dy vëllezër shqiptarë humbin jetën në aksident tragjik në Itali

Viktimat banonin në Arcile. Ata lënë pas 5 fëmijë, njëri prej të cilëve në pritje.

Një aksident tragjik që ka ndodhur në mëngjesin e sotëm në Chessa, në komunën e Scansano të Italisë, la të vdekur dy vëllezër me kombësi shqiptare, transmeton Albinfo.ch.

Mediat raportojnë se të përfshirë në aksident ishin dy automjete, ndërsa dy vëllezërit e vdekurit kanë qenë në të njëjtën makinë.

Viktimat janë dy vëllezër me origjinë shqiptare, të cilët banonin në Arcile. Ata lënë pas 5 fëmijë, njëri prej të cilëve në pritje.

Një person i tretë që ishte në timonin e makinës së dytë ka mbetur i plagosur, por ndodhet jashtë rrezikut për jetën.

Kanë qenë forcat zjarrfikëse ato që kanë nxjerrë nga makina trupat e dy vëllezërve.

Sipas ndërtimit të dinamikës së ngjarjes dy makinat, siç transmeton Ora news, (një Peugeot dhe Audi) po udhëtonin në drejtime të kundërta: njëra drejt Scansano-s, tjetra drejt Grosseto-s, kur u përplasën kokë më kokë.

Peugeot u zhyt në kanal në buzë të rrugës, ndërsa Audi kishte më pak dëme.

---