Dylbi dhe pranga nga Zvicra drejt Kosovës, arrestohet kontrabanduesi

Dogana kosovare parandaloi disa raste gjatë tentim kontrabandës. Një rast u identifikua edhe në udhëtimin nga Zvicra drejt Kosovës

Njësit e doganës gjatë kësaj fundjave arritën të parandalojnë disa raste të tentimeve për të futur mallra të ndaluara. Në aeroport gjatë kontrollit të udhëtareve që fluturonin nga Zvicra oficerët doganor përmes skanerit kanë vërejtur që njëri prej udhëtareve barte mjete të ndaluara për import, thuhet në njoftim.

“Pas kontrollimit të valixhes është gjetur mall i ndaluar: a) Dylbi për armë (1 copë), pranga (1copë). Gjithashtu në aeroport përmes një fluturimi tjetër, respektivisht nga Turqia është kapurnjë pistoletë tek njëri prej udhëtareve”, thuhet në njoftim.

Po ashtu, oficerët doganor kanë arritur të kapin mbi një (1) kilogram substance narkotike e fshehur në trupin e njërit prej udhëtareve në pikë kalimin kufitar të Vërmicës.

Gjatë kontrollimeve rutinore një automjet me targa të Shqipërisë është selektuar për kontroll ku gjatë kontrollit të automjetit janë gjetur 1500 euro të cilat kanë qenë të futura në librin e automjetit, ndërsa gjatë kontrollit truporë të vozitësit tek barku, nën pantallona është gjetur substancë e dyshuar narkotike e llojit marihuanë e quajtur ndryshe edhe “çokollatë” e ndarë në dy paketime të mbështjella me qese në sasi prej 1130”, thuhet në njoftimin e doganës kosovare.

Personat dhe mallrat e zbuluara janë dorëzuar tek policia e Kosovës për hetim të mëtejme, transmeton albinfo.ch.