E përsërit Vuçiq: Nuk e pranojmë ndalimin e përdorimit të dinarit në Kosovë

Presidenti serb, Aleksandar Vuçiq, ka mbajtur sot konferencë për media, në të cilën kryesisht ka folur për Kosovën.

Ai është shprehur se për ta nuk është i pranueshëm vendimi i Bankës Qendrore të Kosovës për ndalimin e përdorimit të dinarit si mjet pagese.

“Serbia nuk mundet dhe nuk do ta pranojë atë vendim. Nuk do të na detyroni që të pranojmë diçka, sepse ne jemi të mirë dhe të sjellshëm. Ju na thoni “do t’ua ledhatojmë shpinën”. Mos na e ledhatoni më shpinën. Mjaft na keni gënjyer dhe mashtruar”, ka thënë ai.

Ndër të tjera Vuçiq ka folur edhe për 25-vjetorin e nisjes së bombardimeve të NATO-s ndaj Serbisë, transmeton albinfo.ch.