Edhe një debakël i Brazilit: Holanda, medaljen e bronztë

Brazili - Holanda 0:3

Deklasimi që Brazili pësoi pak ditë më parë nga Gjermania, në një variant pak më të butë u përsërit edhe sonte, nga Holanda. 3:0 kanë fituar holandezët në garën për vendin e tretë, duke mbizotëruar gjatë gjithë ndeshjes.

Brazili, në një lojë pa koncept, i humbur pa busollë përballë sulmit të holandezëve, nuk ka mundur të gjejë assesi rrugën për në portën kundërshtare. Nga ana tjetër holandezët, edhe pse pa ndonjë motiv të theksuar për lojë, kanë qenë gjithë kohën superiorë në fushë. Kjo është pasqruar edhe në rezultat. Në minutën 3 Van Persie ka shënuar nga penalltia. Në minutën 17 rezultatin e ka ngritur në 2:0, lojtari i ri, Blind. Fitoren e ka vulosur me golin e tretë, Vijnaldum. 3:0. Holanda fiton me meritë medaljen e bronztë në këtë kampionat.