Edhe për dalje nga Maqedonia kërkohet kartela e vaksinimit apo testi negativ

Keystone EPA/GEORGI LICOVSKI

Përveç se në hyrje të shtetit, nga nesër në Maqedoninë e Veriut edhe për dalje nga shteti duhet të keni certifikatën e vaksinimit, ose testin PCR negativ jo më të vjetër se 72 orë, ose testin antigjen të shpejtë jo më të vjetër se 48 orë, ose certifikatë se keni kaluar kovidin në 45 ditët e fundit, transmeton Alsat, përcjell Albinfo.ch.

Në rast se ata që udhëtojnë nuk i kanë këto vërtetime, atëherë duhet të izolohen, të paktën për 7 ditë.

Ky vendim vlen për qytetarët e Maqedonisë së Veriut, por edhe për të huajt.