Edhe sivjet me tarifa të shtrenjta të sigurimeve

Nga shtatori i këtij viti kompanitë e sigurimeve dhe Byroja Kosovare e Sigurimeve nuk do të kenë më përgjegjësinë sa u përket tarifave të sigurimeve. Pas shtatorit policat e sigurimeve mund të ulen

Ndarja në dysh e kompanive të sigurimeve ka krijuar infrastrukturën e nevojshme që të lëvizet politikisht për të marrë vendim lidhur me heqjen e tarifave doganore për bashkëtadhetarët. Siç raportojnë mediet në Prishtinë, Kuvendi i Kosovës po pret që një zgjidhje për policat e sigurimit, ndryshe do të nxirret një ligj që i anashkalon kompanitë.

Blerim Latifi, këshilltar politik i kryetarit të Kuvendit, Kadri Veseli, ka thënë se bashkë me aktorët e tjerë përgjegjës, do të gjejnë një zgjidhje që kjo pagesë e lartë për mërgimtarët të mos vlejë më.

Në ndërkohë, nga shtatori i këtij viti, kompanitë e sigurimeve dhe Byroja Kosovare e Sigurimeve nuk do të kenë më përgjegjësinë sa u përket tarifave të sigurimeve.

Një vendim të tillë e ka paralajmëruar kryetari i Komisionit për buxhet dhe financa, Naser Osmani. Në bazë të ligjit aktual, për sigurimin e detyrueshëm nga autopërgjegjësia, kompanitë janë të obliguara të njoftojnë Bankën Qëndrore të Kosovës me ndryshimet e tarifave.

Ndryshe, një ditë më parë Byroja Kosovare e Sigurimeve dështoi ta miratojë vendimin e Rrahim Pacollit, i autorizuar për bisedime në Bruksel për Kartonin e gjelbër. Pacolli kërkoi që polciat e sigurimeve për bashkatadhetarë të ulen për 50 për qind nga 1 korriku i këtij viti, por 10 nga 12 kompanitë e sigurimeve sa ka Kosova, dolën kundër Pacollit.

Sipas këtij skenari edhe sivjet bashkatdhetarët do të pagujanë policat e njwjta të sigurimeve për Kosovë, që është 41 euro për një muaj për vetura të rëndomta.