Edhe tre kosovarë humbën jetën si pasojë e infektimit me Covid-19

Foto nga Zyra e Kryeministrit Kurti në Facebook

Klinika Infektive e Qendrës Klinike Universitare të Kosovës ka njoftuar se edhe tre pacientë të infektuar me COVID-19 kanë ndërruar jetë sot, kurse edhe tre të tjerë janë në gjendje kritike, transmeton albinfo.ch.

Gjatë 24 orëve të fundit në Kosovë nga infektimi me koronaivrus kanë ndërruar jetë edhe tre persona. Të dy viktimat sipas Klinikës Infektive janë nga komuna e Prizrenit. Bëhet fjalë për një 78 dhe 57-vjeçar ai dhe personi tjetër nga komuna e Suharekës i moshës 71-vjeçare.

Numri i viktimave në Kosovë nga Covid-19 ka shkuar në 47.

Njoftimi i plotë:

Bazuar në raportin e datës 27.06.2020, në Klinikën Infektive të Qendrës Klinike Universitare, janë të hospitalizuar 97 raste Covid -19 pozitiv.

45 raste janë duke u trajtuar në reparte me oksigjenoterapi dhe përkujdesje intensive.

Në repartin e Mjekimit Intensiv janë duke u trajtuar 5 raste, 2 raste janë në gjendje të rëndë duke u trajtuar me oksigjenoterapi dhe përkujdesje intensive, si dhe 3 raste janë në gjendje kritike me frymëmarrje të asistuar me respiratorë

Mbrëmë në Klinikën Infektive ka ndërruar jetë pacienti J.N. 1963 nga komuna e Prizrenit si dhe sot në orët e hershme të mëngjesit ka ndërruar jetë pacienti R. B. 1942 nga komuna e Prizrenit, të cilët përveç infeksionit me Covid -19 kishin edhe sëmundje shoqëruese.

Sot, në orën 08:15 ka vdekur pacienti me inicialet D.N, viti i lindjes 1949, nga Suhareka.