Edlina Asllani, finaliste në “Elite-Model-Look”

Edlina Asllani sapo ka mbushur 15 vjet dhe ka përjetuar tashmë ndjenjën e suksesit në lëmin që ka zgjedhur

Edlina ka hyrë në mesin e 12 finalisteve që nesër, më 29 gusht do të garojnë për titullin e më të mirës në garën për “Elite-Model-Look” që mbahet në Cyrih. Fjala është për një kategori të veçantë të modeleve, siç e tregon dhe emri, “modele elite” të bukurisë dhe elegancës.

Edlina jeton me prindërit në një shtëpi të bukur në Wohlen. Për të po fillon realizimi i një ëndrre, shkruan gazeta lokale “Wohlen Anzeiger”. Por, ndërkohë Edlinës i kanë kushtuar hapësirë edhe gazetat dhe revistat në nivel nacional si “Schweizer Illustrierte”, “Sonntagsblick” etj.

Ka pak kohë që vajza delikate, e gjatë (1.78m)  dhe e bukur me rrënjë shqiptare nga Kosova ka vendosur të provojë fatin në pasarelat e modës. Përvoja e parë ka qenë në muajin mars të këtij viti në Lucern, ku ka marrë pëlqimin  e një jurie për të shkuar më tutje. “Më 17 maj e kam marrë përgjigjen përfundimtare se mund të marr pjesë në finalen e “Elite-Model-Look””, thotë ajo për medie të ndryshme zvicerane.

Idhulli i saj në këtë fushë është modelja e njohur Mirana Kerr.

Ajo pranon se deri vonë nuk kishte as përafërsisht pamjen që ka sot. “Më parë isha e trashë, vërtetë e trashë, nga trupi”, thotë ajo. Pasi ka humbur në peshë, gjithnjë më shumë njerëz nga rrethi i saj e kanë trimëruar të marrë pjesë në konkursin, në finalen e të cilit ajo do të provojë veten nesër.

Spektakli mbahet në Maag Halle në Cyrih