Të tjera

Ekipi olimpik i Kosovës arrin në Korenë Jugore

E martë, 6 Shkurt 2018 - 23:00 albinfo.ch

Ekipi olimpik i Kosovës ka mbërritur në Fshatin Olimpik në Pyeongchang të Koresë së Jugut për Lojërat Olimpike Dimërore.

Kosova në këto lojëra do të përfaqësohet nga skitari Albin Tahiri.

Ekipi olimpik përbëhet prej Tahirit, trajnerit të tij Agim Pupovci, shefit të misionit Bujar Turjaka dhe zyrtarit për media Kushtrim Krasniqi, ka njoftuar Komiteti Olimpik i Kosovës, transmeton Albinfo.ch.

Tahiri me ekipin e tij udhëtoi nga Prishtina për në Stamboll e më pas për Seul dhe nga Seuli në PyeongChang. I gjithë ky udhëtim zgjati rreth 20 orë.

Ceremonia hapëse e Lojërave Olimpike Dimërore mbahet më 9 shkurt, ndërsa Tahiri garën e parë do ta ketë më 11 shkurt. Mbyllja bëhet më 25 shkurt.

 Të tjera nga Të tjera

Shqipëria për herë të parë në Lojërat Olimpike Dimërore Milano–Cortina 2026

 E-Diaspora

 Jeta në Zvicër