Ekonomia e Eurozonës u rrit me 2.3% në tremujorin e tretë

Produkti i Brendshëm Bruto i Eurozonës u zgjerua me 2.3% në tremujorin e tretë të këtij viti në bazë vjetore, zbuluan shifrat zyrtare të mërkurën, përcjell albinfo.ch.

Ekonomia e BE-së gjithashtu u rrit me 2.5% gjatë të njëjtës periudhë, sipas Eurostat, organi statistikor i BE-së.

Në tremujorin e kaluar ritmet e rritjes së PBB-së ishin 4.2% për Eurozonën dhe 4.3% për BE-në.

Në baza tremujore, ekonomitë e Eurozonës dhe të BE-së u zgjeruan përkatësisht me 0.3% dhe 0.4%.

Ndër vendet anëtare, Irlanda shënoi normën më të madhe të rritjes së PBB-së me 10.6%, e ndjekur nga Kroacia me 5.5%, ndërsa Estonia dhe Letonia panë norma rritjeje negative me minus 2.3% dhe minus 0.4%, respektivisht.