Ekonomia ka interes për potencalin e migrantëve

Boris Zürcher: “Duhet investuar në mënyrë më intensive në aftësimin e migrantëve për ta përmirësuar aftësinë e tyre konkurruese në tregun e punës”

KEYSTONE

Udhëheqësi i Drejtorisë për Punë  në Sekretariatin Shtetëror për Ekonomi (SECO) Boris Zürcher në intervistën e tij për albinfo.ch flet për objektivat, arritjet dhe mangësitë sa i përket shfrytëzimit të potencialit të migrantëve në tregun e punës në Zvicër. Ai, veç tjerash thotë se ejziston interesi i ekonomisë zvicerane për ketë potencial. “Ka shembuj që e dëshmojnë një integrim të suksesshëm të migrantëve në tregun e punës”.

Albinfo.ch: Për shkak të mungesës së kompetencave të kualifikuara profesionale në Zvicër, gjithnjë më tepër flitet për nevojën e thithjes së potencialit të migrantëve si shans për kompensimiin e kësaj mungese. A janë migrantët, sipas mendimit Tuaj, në gjendje që ta bëjnë këtë që pritet prej tyre?

Boris Zürcher: Programi i ashtuquajtur FKI plus, i cili po realizohet në bashkëpunim me kantonet, e tematizon pikërisht këtë aspekt. Në të vërtetë shkalla e punësimit te personat me status të qëndrimit të përkohshëm (F) dhe te refugjatët, për shkaqe të ndryshme, është shumë e ulët. Njëri nga shkaqet ka të bëjë padyshim me faktin se kualifikimet e migrantëve shpeshherë nuk hasin në kërkesa përkatëse në tregun e këtushëm. Është prandaj objektivi ynë që ky potencial të shfrytëzohet më mirë, gjë që po ashtu shpesh nënkupton që duhet investuar në mënyrë edhe më intensive në kualifikimet dhe aftësimin e migrantëve për ta përmirësuar aftësinë e tyre konkurruese në tregun e punës.

Albinfo.ch: A shihni ju se ekonomia e këtushme po tregon interes për t`i krijuar parakushtet e domosdoshme për një gjë të tillë?

Ky interes sigurisht që ekziston. Ka shembuj që e dëshmojnë një integrim të suksesshëm të migrantëve në tregun e punës.

Albinfo.ch: Çfarë është qasja e migrantëve në mundësitë për kualifikim-trajnim dhe në burimin e informatave për të arritur në nivelin që të shfrytëzohen si resurs i rëndësishëm (nga ekonomia e këtushme)?

Kjo është një pyetje që do të duhej t`i shtrohej Sekretariatit Shtetëror për Migracion (SEM). Ndërsa nga pikëpamja e autoriteteve që merren me tregun e punës, gjendja është e atillë që migrantët do të kenë qasje në shfrytëzimin e shërbimeve të këshillimit dhe të ndërmjetësimit në punë te qendrat regjionale për ndërmjetesimin e punës (RAV), vetëm kur ata janë të përgatitur dhe të lejuar për tregun e punës.

Albinfo.ch: Ku e shihni ju rolin e SECO-s në këtë kontekst? A ka ndërmarrë edhe ai ndonjë veprim për të shfrytëzuar më mrë potencialin e migrantëve?

 Personat me status qëndrimi të përkoshhëm (F) dhe refugjatët, sapo të jenë të aftë për inkuadrim në tregun e punës, kanë të drejtë për shfrytëzimin e shërbimeve të ndryshme të RAV. Pra është nevoja së pari që ata të jenë të gatshëm për tregun e këtushëm të punës.

Oferta dhe kërkesa në shpërputhje

Shkalla e punësimit te personat me status të qëndrimit të përkohshëm (F) dhe te refugjatët, për shkaqe të ndryshme, është shumë e ulët. Njëri nga shkaqet ka të bëjë padyshim me faktin se kualifikimet e migrantëve shpeshherë nuk hasin në kërkesa përkatëse në tregun e këtushëm.