Ekonomi
Ekonomia zvicerane do të rritet edhe më shumë
Parashikimi nga Fondi Monetar Ndërkombëtar
Fondi Monetar Ndërkombëtar (FMN) ka parashikuar se ekonomia e Zvicrës do të rritet me 3% deri në fund të vitit 2018.
Kjo vjen pasi FMN, në prill të këtij viti, parashikoi se Produkti i Brendshëm Bruto (PBB) i vendit do të rritet me 2.3%, shkruan “The Local”.
Këto shifra janë në kundërshtim me rritjen ekonomike botërore, ku sipas FMN-së do të ketë një rënie nga 3.9 % në 3.7 %, përcjell albinfo.ch.
Brenga e vazhdueshme mbi negociatat e Brexit dhe luftërat e mundshme tregtare që përfshijnë SHBA-të, si dhe një rritje më e ngadaltë se sa pritet brenda Bashkimit Evropian, janë cituar si arsyet kryesore për llogaritjet globale më negative.
Muajin e kaluar, qeveria zvicerane ka rritur parashikimin e PBB-së për vitin 2018 në 2.9% nga 2.4% dhe më parë këtë vit, u njoftua se eksportet zvicerane kishin pasur rritje të madhe. Eksporti për tremujorin e dytë të vitit 2018 arriti në 55.7 miliardë franga (47.8 miliardë euro), duke përfaqësuar një rekord të ri tremujor.
Me gjithë disa arsye për pozitivitet, megjithatë, FMN ka sugjeruar gjithashtu se ekonomia e Zvicrës mund të ngadalësojë vitin e ardhshëm.
Kjo do të ishte në përputhje me një rënie të rritjes globale të GDP-së, të cilën FMN-ja parashikon të bjerë nga 2 në 1.8% në 2019.
Të ngjashme
Të tjera nga Ekonomi
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Ish-presidenti thotë se Zvicra duhet të anëtarësohet në BE Një ish-anëtar i Këshillit Federal thotë se e vetmja mënyrë se si Zvicra do të arrijë...
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën
-
Bazel: Dënohet me burgim të përjetshëm shqiptari për vrasjen e dyfishtë
-
SWISS do të rifillojë fluturimet për në Tel-Aviv të premten