Ekspertët paralajmërojnë për koronën dhe sezonin e gripit

"Situata është më e mirë se një vit më parë, por duhet të jemi të vetëdijshëm se pandemia e koronës ende nuk ka përfunduar"

Ekspertët kryesorë evropianë të shëndetësisë paralajmërojnë për një barrë të dyfishtë të infeksioneve të koronës dhe gripit në sezonin e ardhshëm të gripit.

Situata është më e mirë se një vit më parë, por duhet të jemi të vetëdijshëm se pandemia e koronës ende nuk ka përfunduar, ka thënë të mërkurën Komisionerja e Shëndetësisë e BE-së, Stella Kyriakides, shkruan srf.ch.

Sipas saj, ka shenja se ka nisur një valë e re në Evropë.

Njësoj, për ardhjen e një vale të re të pandemisë janë shprehur edhe drejtori rajonal i OBSH-së Hans Kluge dhe drejtori i Autoritetit Shëndetësor të BE-së ECDC, Andrea Ammon, transmeton albinfo.ch

Vaksinimi është ende një nga mjetet më efektive kundër viruseve të koronës dhe gripit dhe duhet të përdoret nga të moshuarit dhe grupet e rrezikut, thanë tre ekspertët.

---