Ekspozita “Gjergji në art” – një homazh artistik për heroin kombëtar 

Një moment i veçantë do të jetë koncerti recital i pianistit të mirënjohur Leutrim Aliji, i cili ndër të tjera do të interpretojë suitën simfonike kushtuar Skënderbeut

Në nderim të 620-vjetorit të lindjes së Heroit tonë Kombëtar, Gjergj Kastrioti – Skënderbeu, Shoqata “Gjergj Kastrioti” në Zvicër organizon ekspozitën artistike “Gjergji në art”, një ngjarje e veçantë që bashkon historinë, kulturën dhe krijimtarinë shqiptare në një përjetim të rrallë vizual dhe muzikor.

Data: 18 Maj 2025
Vendndodhja: Grampenweg 5, 8180 Bülach, Zvicër
Pritja e mysafirëve: nga ora 11:00
Fillimi i programit: në ora 13:00
Çmimi i hyrjes: Sipas dëshirës

Ekspozita do të sjellë:

• Piktura – portrete dhe skena historike nga jeta e Skënderbeut
• Skulptura – vepra që mishërojnë madhështinë dhe heroizmin e tij
• Vizatime dhe grafikë – interpretim artistik i figurës së tij
• Fotografi artistike – kompozime të frymëzuara nga kryeheroi ynë
• Forma të tjera arti vizual – çdo krijim që nderon Skënderbeun

Një moment i veçantë i ngjarjes do të jetë koncerti recital i pianistit të mirënjohur Leutrim Aliji, i cili ndër të tjera do të interpretojë veprën ikonike të Çesk Zadesë, “Suitë Simfonike nga Skënderbeu” – një kompozim që ngërthen thellësisht shpirtin heroik të kombit shqiptar.

Kjo është një mundësi unike për të përkujtuar figurën madhështore të Skënderbeut përmes artit dhe muzikës, për të ndarë vlera të përbashkëta kulturore dhe për të përjetuar krenarinë tonë kombëtare në një atmosferë të denjë e frymëzuese.

Për më shumë informacion, ju lutemi na kontaktoni: [email protected]

Mob. 0754150020
Të gjithë janë të mirëpritur!

---