E-Diaspora
Ekspozita “Mendoj për ty” hapet të shtunën në Vjenë
"Ekspozita ka për qëllim solidarizimin e të gjithë neve me gratë e dhunuara në botë e veçanërisht në Kosovë”
Në kuadër të Javëve të Kulturës Shqiptare në Austri, të shtunën do të hapet ekspozita “Mendoj për ty” e artistes Alketa Mripa – Xhafa e cila do të jetë një ekspozitë ndryshe nga ato që deri më tash kemi parë:
Kjo ekspozitë duket se do të mbledhë numër të madh të bashkatdhetarëve tanë që jetojnë në Austri, njofton “albinfo.ch”.
“…Besoj se tashmë e dini se me datën 23 nëntor 2019 kemi me e prezantuar ekspozitën “Mendoj për ty” të Alketa Mripa – Xhafa. Ekspozita ka për qëllim solidarizimin e të gjithë neve me gratë e dhunuara në botë e veçanërisht në Kosovë”, ka thënë Ermal Vejsa, anëtar i Këshillit Koordinues të Shoqatave Shqiptare në Austri.
Realizimi i kësaj ekspozite ka kërkuar edhe bashkëpunimin e bashkatdhetarëve tanë të cilët kanë dhuruar për një kohë të shkurtër garderobe të tyre, kryesisht fustane dhe funde. Në këtë mënyrë, duke dhuruar veshjet e tyre ata/ato do të bëhen pjesë e kësaj ekspozite.
Fustanet do të ekspozohen në ambientin e hapur në parkun e Europahaus dhe më pas ato veshje do të dhurohen tek “Kryqi i Kuq” apo “Caritas”.
Hapja e ekspozitës bëhet duke filluar nga ora 18.00
(Adresa: Europahaus, Linzerstrasse 429, 1140 Vjenë).
Të ngjashme
Të tjera nga E-Diaspora
E-Diaspora
-
Kurti dhe Rozeta Hajdari vizituan Panairin e “Hannover Messe 2024” Gjermani: Ministrja e Industrisë, Ndërmarrësisë dhe Tregtisë, Rozeta Hajdari, së bashku me kryeministrin e Republikës së...
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë