Ekspozitë kolektive e artistëve të rinj nga Shqipëria dhe Kosova

Artistë rinj nga Shqipëria dhe Kosova ekspozojnë në Berlin punimet e tyre në një ekspozitë kolekive tematike të titulluar “This is not a Palm Tree” (Ky nuk është një dru palme). Pjesëmarrës të ekspozitës që do të qëndrojë e hapur nga 7 deri më 28 nëtor 2015 janë artistët: Alban Muja, Artan Hajrullahu, Atdhe Mulla, Dren Maliqi, Driant Zeneli, Endri Dani, Enkelejd Zonja, grupi «Haveit», Ilir Kaso, Jakup Ferri, Jeton Muja, Koja , Ledia Kostandini, Majlinda Hoxha, Olson Lamaj, Remijon Pronja dhe Silva Agostini.
Në një prezantim të ekspozitës që bën galeria thuhet se “për herë të parë në Berlin prezantohen në një mënyrë të tillë të përbashkët përfaqësuesit kryesorë të skenës bashkëkohore artistike të dy vendeve.
Artistet dhe artistët që marrin pjesë në këtë ekspozitë përpiqen që përmes maniestimeve shumështresore të kujtesës kolektive na e përafrojnë një pasqyrë për identitetin nacional të dy vendeve. Është ky një ballafaqim që luan një rol të patjetërsueshëm në artin bashkëkohor të dy vendeve.