EMA nuk do ta miratojë vaksinën ruse Sputnik V

Photo alirazagurmani9272

Agjencia Evropiane e Medikamenteve (EMA) do të marrë një vendim për miratimin e Sputnik V, vaksinës së coronavirusit të Rusisë, më së shpejti në tremujorin e parë të vitit 2022, sepse ende nuk ka të dhëna të mjaftueshme, tha një burim i njohur me çështjen të enjten.

“Vendimi i EMA deri në fund të vitit tani është plotësisht i pamundur”, tha një burim për reuters.

Nëse të dhënat e kërkuara arrijnë deri në fund të nëntorit, “atëherë rregullatorët mund të marrin një vendim në tremujorin e parë të vitit të ardhshëm”, shtoi një burim i cili dëshironte të mbetet anonim.

EMA filloi një test zyrtar të vaksinës ruse në muajin mars. Më parë pritej të miratohej në muajin maj ose qershor.

Rezultatet e fazës së tretë të provave klinike, të publikuara në shkurt në revistën mjekësore The Lancet, treguan se vaksina ishte pothuajse 92 për qind efektive. Rusia më vonë njoftoi se ka një efektivitet 83 për qind kundër llojit të deltës së coronavirusit.

Vaksina është përdorur tashmë në Rusi dhe është miratuar në më shumë se 70 vende. Burimi theksoi se nuk ka asnjë arsye për të dyshuar në efektivitetin ose sigurinë e tij.