Erdhi nga diaspora në Kosovë, raporton se dikush ia vodhi arin dhe veturën

Një grua në Fushë-Kosovë ka raportuar një vjedhje të rëndë në Policinë e Kosovës. Ajo është ankuar se kur u kthye nga diaspora ku jeton, kuptoi se dikush i është futur në banesën e saj në Fushë-Kosovë dhe i ka vjedhur stoli ari, teksa ka raportuar se i është vjedhur edhe vetura.

“Më 30.03.2024 ankuesja femër kosovare, e cila jeton jashtë shtetit, ka raportuar se kur ishte kthyer në shtëpi kishte vërejtur se persona të panjohur kanë depërtuar me forcë brenda shtëpisë së saj dhe ishin vjedhur stoli ari si dhe veturën e saj. Rasti është nën hetime”, thuhet në njoftimin e Policisë.