Ermira Mehmeti “ngrin” aktivitetin e saj në BDI

"Duke filluar nga sot dhe deri në përfundim të ketij mandati do të hesht. Po ashtu ua bëj me dije të gjithëve se me sot ngrij të gjitha aktivitetet e mia politike në strukturat lokale apo ato udhëheqëse të partisë"

Përmes një postimi në facebook, deputetja e Parlamentit të Maqedonisë nga BDI-ja dhe politikania e njohur  shqiptare, Ermira Mehmeti deklaron se përfundon, ose “ngrin” aktivitetin e  saj në këtë parti.

“Kisha deshirë dhe qëllim te sinqertë ta reformoj BDI. Isha e bindur se ka bazë dhe do të ketë gatishmëri për reflektim, në mënyrë që partia të bëhet më e fortë, më e konsoliduar, më e fuqishme në qeverisje.

Çdo tentim i imi hasi ne pengesa, kundërshtime dhe goditje të ulëta. Më sajuan afera, më prodhuan skenare, e nxisnin strukturën kundër meje. Mediet që financohen nga BDI u vunë në shërbim të tyre duke bërë fushatë për të rrënuar kredibilitetin dhe integritetin tim, shkruan Ermira Mehmeti.

“Të kapur pas funksioneve sikur t’ua kishte bërë nëna, të përjetshmit e kuptuan si kërcënim personal nevojën për reformim të partisë. Cdo tentim për të shpjeguar se partia është organ kolektiv dhe nuk i takon askujt personalisht, ata e kuptonin si cenim ndaj privilegjeve personale. Prandaj mobilizuan të gjithe poltronët të cilët, për pak para ose ndonjë beneficion të vogël, u vunë në mbrojtje të korrupsionit, vazalitetit dhe servilizmit. Na detyruan madje ta votojmë edhe Toni Naunovskin, sepse sigurisht që dikujt ia kanë pasur për borxh.