Është nënshkruar marrëveshja për njohjen e patentë shoferëve mes Kosovës dhe Maqedonisë

Sot është nënshkruar marrëveshja për njohjen reciproke të patentë shoferëve ndërmjet Republikës së Kosovës dhe Republikës së Maqedonisë.

Nënshkrimi i kësaj marrëveshjeje është bërë nga ministri i Punëve të Brendshme të Republikës së Kosovës, Ekrem Mustafa, dhe ministri i Brendshëm i Republikës së Maqedonisë, Oliver Spasovski, raporton RTKlive.

Mustafa, tha se kjo është një mundësi e mirë për të rritu besueshmërinë ndaj dokumenteve në dy vendet.

“Kjo do të lehtësojë punën e qytetarëve në dy vendet. Lidhjet mes Kosovës dhe Maqedonisë janë shumë të mëdha”, tha Mustafa, përcjell albinfo.ch.

Kurse Spasovski, deklaroi se me këtë marrëveshje është rrumbullakësuar puna mes dy vendeve. “Ky proces ka filluar shumë kohë përpara”, tha ai.